Georgia
Grand Duty Free და Ship Store-ში ვცდილობთ განსაკუთრებული მომსახურება გავუწიოთ საქართველოს პორტებში შემოსულ გემებს. 2004 წელს დაარსებული კომპანიის სათაო ოფისი ქ. თბილისში მდებარეობს და იგი გემების სანდო მომმარაგებლის რეპუტაციით სარგებლობს. ჩვენი სასაწყობე სათავსოების ფართო ქსელი, ქ. ფოთში მდებარე მთავარი საწყობის ჩათვლით, 15 000-ზე მეტი საზღვაო და განბაჟებას დაუქვემდებარებელი საქონლის ოპერატიული და ეფექტური მიწოდების საშუალებას იძლევა.
გემების მომარაგების კომპლექსურ მომსახურებასთან ერთად, ეკიპაჟის წევრებს განბაჟებას დაუქვემდებარებელ საქონელსა და მომსახურებას ვთავაზობთ და, შესაბამისად, ხარისხიანი პროდუქციის ფართო ასორტიმენტზე წვდომას უზრუნველვყოფთ. სტრატეგიული ადგილმდებარეობა, უბაჟო ვაჭრობის მაღაზია ფოთის პორტში და სატვირთო მანქანების ყოველდღიური მუშაობა, კონკრეტული პროდუქციის სწრაფი და სანდო მიწოდების საშუალებას იძლევა.
ლოგისტიკისა და მიწოდების ჯაჭვის მართვის სფეროში მიღებული გამოცდილება, ცოდნა და პროდუქციის ფართო ასორტიმენტი, საზღვაო სფეროში ლიდერობის გარანტიაა. გემების მოწყობილობები ან ეკიპაჟისთვის უბაჟო საქონელი გჭირდებათ? Grand Duty Free და Ship Store თქვენი სანდო პარტნიორია მუდამ.
საქართველო კავკასიის რეგიონის მთავარი ლოგისტიკური კვანძია. ხელსაყრელი ადგილმდებარეობა საქონელზე ეფექტური წვდომისა და სატრანსპორტო ხარჯების შემცირების საშუალებას იძლევა. სწორედ ეს ხელსაყრელი ადგილმდებარეობა უზრუნველყოფს უწყვეტ ურთიერთობას ისეთ მეზობელ ქვეყნებთან, როგორიცაა სომხეთი, აზერბაიჯანი, რუსეთის ფედერაცია და თურქეთი და სხვა მნიშვნელოვანი რეგიონები, მათ შორის, ყაზახეთი, უზბეკეთი, თურქმენეთი და უკრაინა.
სახმელეთო საზღვრების გარდა, საქართველოს მდებარეობა კიდევ უფრო მომგებიანია შავ ზღვაზე გასასვლელის წყალობით, რომელიც მას ბულგარეთთან, რუმინეთსა და სხვ. ქვეყნებთან აკავშირებს. უნიკალური გეოგრაფიული მდებარეობა აძლიერებს საქართველოს – ცენტრალური კვანძის როლს როგორც რეგიონალურ, ასევე საერთაშორისო ლოგისტიკურ ქსელებზე.
ქვეყნის მზარდი ეკონომიკური განვითარება აძლიერებს საქართველოს სავაჭრო და ტურისტული საკვანძო გზაჯვარედინის როლს ევროპასა და აზიას შორის.
შავი ზღვის სანაპირო ზოლის სტრატეგიული უპირატესობა საქონლის ეკონომიკურად მომგებიანი გადაზიდვისა და მიწოდების ჯაჭვის მართვის საშუალებას იძლევა. საქართველოს თანამედროვე ინფრასტრუქტურა, სათანადოდ აღჭურვილი და განვითარებული პორტები, რკინიგზა და სახმელეთო გზები კიდევ უფრო აძლიერებს საქართველოს, როგორც მნიშვნელოვანი ლოგისტიკური კვანძის ფუნქციას. გეოგრაფიული უპირატესობებისა და მზარდი ეკონომიკის წყალობით, საქართველოს შეუძლია შეინარჩუნოს მსოფლიო ვაჭრობისა და ლოგისტიკის უმთავრესი რგოლის ფუნქცია.
თბილისიდან ჩრდილო-დასავლეთით დაახლოებით 265 კმ-ში და თურქეთის საზღვრიდან დაახლოებით 110 კმ-ში მდებარე ფოთის პორტი სტრატეგიულადაა განლაგებული დაბლობზე, სადაც მდინარე რიონი შავ ზღვაში ჩაედინება. გეოგრაფიული ადგილმდებარეობის წყალობით, იგი კავკასიის დერეფნის მთავარი გზაჯვარედინია.
ცენტრალურ აზიაში, სამხრეთ კავკასიის რეგიონსა და უკან ტვირთების გადაზიდვას ფოთის პორტი ემსახურება. APM და RAKIA მიერ ახლახან შეძენილ პორტში მრავალფეროვანი ტვირთები, მათ შორის თხევადი და ნაყარი ტვირთები, ასევე ბორნები და კონტეინერები მუშავდება. ასევე ფოთის პორტი მსხვილი საექსპორტო კვანძია კავკასიისა და ჭიათურის რეგიონიდან მანგანუმის მადნის გადასაზიდად.
პორტი შედგება მთავარი რეიდისა და დაცული შიდა ნავსადგურისგან. ტალღსაჭრელებით დაცული შიდა ნავსადგური მოიცავს ოთხ აუზს, რომლებთანაც მისვლა არხის საშუალებითაა შესაძლებელი. ნავმისადგომის 20 ამწით აღჭურვილ არხს 2900 მეტრის სიგრძის 15 ნავმისადგომი აქვს, რაც სხვადასხვა ტიპის ტვირთების ეფექტური დამუშავების საშუალებას იძლევა.
Grand Duty Free და Ship Store საქართველოს მასშტაბით უბაჟო ვაჭრობის მრავალ მაღაზიას მართავს:
უბაჟო ვაჭრობის მაღაზია ფოთის პორტში: მდებარეობს მგზავრთა ტერმინალში, ემსახურება როგორც უცხოელ, ისე ადგილობრივ ტურისტებს;
*უბაჟო ვაჭრობის მაღაზია ეკიპაჟის წევრებისთვის: მდებარეობს ფოთის პორტში;
უბაჟო ვაჭრობის მაღაზია ეკიპაჟის წევრებისთვის: მდებარეობს ბათუმის პორტში;
საქართველოში გემებისთვის საქონლის წამყვანი მიმწოდებელი Grand Duty Free და Ship Store სპეციალიზებულია საქონლის ფართო ასორტიმენტის, მათ შორის კვების პროდუქტების (სურსათი, საფირმო, სამომხმარებლო, ნედლი, გაყინული საქონელი და ა.შ.), გემბანისა და ძრავის მოწყობილობების, ტექნიკური ინვენტარისა და სხვ. საჭირო კატეგორიების მიწოდებაზე.
ჩვენი კლიენტები:
საერთაშორისო სანაოსნო კომპანიები;
საკრუიზო კომპანიები
კონტინენტურ მეჩეჩებზე ბურღვის მწარმოებელი კომპანიები და საზღვაო მშენებლობის ოპერატორები
საქართველოს პორტებში შემოსული სამხედრო საზღვაო ძალების სხვადასხვა გემები
*საქართველოს დიპლომატიური საზოგადოება
Grand Duty Free და Ship Store – გაეროსა და რეგიონის სხვა მრავალეროვნული საზედამხედველო ძალების ერთგული და მუდმივი მიმწოდებელია.
უბაჟო ვაჭრობის მომსახურების გამწევი ავიაკომპანიებისთვის
Grand Duty Free და Ship Store -განბაჟებას დაუქვემდებარებელი საქონლის წამყვანი საცალო გამყიდველი საქართველოში, უბაჟო ვაჭრობის თითოეული ბაზრის მოთხოვნილებებთან ადაპტირებული საქონლის დიდ არჩევანს გთავაზობთ, რაც კლიენტებისთვის ინდივიდუალური გადაწყვეტილებების შეთავაზების საშუალებას იძლევა.
ფოთის პორტში (საქართველო) მდებარე უბაჟო ვაჭრობის ჩვენი მაღაზიები 3,5 მილიონი ევროს შემოსავლის მქონე დაახლოებით 18 000 კლიენტს ემსახურება. დამთვარიებელთა უმეტესობა პორტში მდგარი გემების ეკიპაჟის წევრები და ოფიცრები არიან. კლიენტებისთვის, რომლებიც ყიდულობენ ალკოჰოლურ სასმელებს, თამბაქოსა და ფუფუნების სხვა საგნებს მნიშვნელოვანია პირობები და საქონლის ღირებულება. მაღაზია აკმაყოფილებს მათ მოთხოვნებს და სთავაზობს საერთაშორისო საქონლის ფართო არჩევანს. დაძაბული გრაფიკისა და დროის ნაკლებობის გათვალისწინებით, მყიდველები აფასებენ ეფექტურ მომსახურებას და მაღალხარისხიანი პროდუქციის შეძენის საშუალებას მცირე შეჩერებების დროს.
ფოთის პორტში (საქართველო) მდებარე გემების მომარაგების განყოფილება წელიწადში დაახლოებით 1100 გემს ემსახურება და მნიშვნელოვანი მომსახურების მთელ სპექტრს სთავაზობს, რომელთა შორისაა ტექნიკური აღჭურვილობა, კვების პროდუქტები, სასმელი, რაც გემების სრულ მომარაგებასა და მათ შეუფერხებელ მუშაობს უზრუნველყოფს. კომპანია სპეციალიზდება განბაჟებას დაუქვემდებარებელ საქონელზე და გვთავაზობთ თამბაქოსა და ალკოჰოლს, რაც მისი გაყიდვების წლიურ ბრუნვას დაახლოებით
10 000 000 ევრომდე ზრდის. სანდო და ეფექტური რეპუტაციის წყალობით, საზღვაო მომარაგების სფეროში ჩვენს კომპანიას წამყვანი ადგილი უჭირავს, რაც ფოთის პორტში მდგარი გემების მომსახურებისა და მათი საჭირო საქონლით მომარაგების გარანტიაა.
